1 Алелюйя.
Хваліце імя Божае,
Хваліце, рабы Божыя,
Хваліце імя Божае,
Хваліце, рабы Божыя,
2 Што стаяць ў храме Госпада,
У двары дома Бога нашага,
У двары дома Бога нашага,
3 Хваліце Бога, бо дабрадзейны Божа,
Спявайце імя Яго салодкае.
Спявайце імя Яго салодкае.
4 Бо Якава абраў Сабе Бог,
Ізраіль паклаў у набытак Сабе.
Ізраіль паклаў у набытак Сабе.
5 Бо спазнаў я вялікасць Госпада,
Ён Бог над усімі багамі.
Ён Бог над усімі багамі.
6 Усё, што пажадае, творыць Бог
На небе, на зямлі, на моры і на прасторах усіх.
На небе, на зямлі, на моры і на прасторах усіх.
7 Ён уздымае хмары ад краю зямнога, ператварае маланкі ў дождж,
Вецер уздымае са сховішч Сваіх.
Вецер уздымае са сховішч Сваіх.
8 Ён знішчыў першынцаў ягіпецкіх —
Ад людзей да скатоў іх.
Ад людзей да скатоў іх.
9 Паслаў зазнакі Свае пасярод цябе, Егіпет, на фараона і на ўсіх рабоў ягоных,
10 Знішчыў народы шматлікія і цароў вялікіх:
11 Сігона, цара Амарэйскага, і Ога, цара Васанскага,
І ўсе царства ханаанскія.
І ўсе царства ханаанскія.
12 І даў у спадчыну зямлю іх —
Набытак Ізраілю, людзям Сваім.
Набытак Ізраілю, людзям Сваім.
13 Божа, імя Твае навекі,
І памяць пра Цябе ад роду да роду.
І памяць пра Цябе ад роду да роду.
14 Бо су́дзіць Госпад народ Свой,
І да рабоў Сваіх змілуецца.
І да рабоў Сваіх змілуецца.
15 Балваны паганскія са срэбра і золата —
Зроблены рукамі чалавечымі.
Зроблены рукамі чалавечымі.
16 Вусны маюць, але не кажуць,
Вочы маюць, але не бачаць,
Вочы маюць, але не бачаць,
17 Вушы маюць, але не чуюць
Няма подыху ў вуснах іх.
Няма подыху ў вуснах іх.
18 Падобныя да іх няхай зробяцца і ўсе ствараючыя іх,
І тыя, хто на іх спадзяванне ўскладаюць.
І тыя, хто на іх спадзяванне ўскладаюць.
19 Дом Ізраіляў, дабраслаўце Бога! Дом Ааронаў, дабраслаўце Бога!
20 Дом Левін, Госпада дабраслаўце!
Багабаязныя, дабраслаўце Госпада!
Багабаязныя, дабраслаўце Госпада!
21 Дабраславены Бог Сіёна, што жыве ў Ерусаліме.
Знайшлі памылку ў тэксце? Вылучыце яе і націсніце:
Ctrl + Enter
Псалцір, псальм 134
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
Міхаіл Астапчык.
© 2005−2015