Псалцір 140 Псальм 140

¹ Псалом Давіда.

Божа, заклікаю Цябе, пачуй мяне!
Пачуй голас малення майго, калі заклікаю Цябе.

² Да ўзнясецца малітва мая, як кадзіла перад Табою,
Уздыманне рук маіх да Цябе — ахвяра вячэрняя.

³ Пастаў, Божа, ахаўніка вуснам маім
І як дзверы зачыні вусны маі.

⁴ Не дай ухіліцца сэрцу майму ў словы падманы и самаапраўдання,
Як робяць людзі бяззаконныя, не буду мець зносін з абранымі іх.

⁵ Няхай накіруе мяне міласэрна правядны выкрываннем,
Алей жа грэшнага не ўмасціць галавы маёй, і малітва мая супраць дабрапрыемства іх.

⁶ Паглынуцца як камень у моры суддзі іхнія,
А малітва мая пачуецца і пераможа.

⁷ Як ком зямляны рассыпаецца на зямлі,
Так пасыпаюцца косці іх у пекле.

⁸ Бо да Цябе, Божа, Божа, вочы мае,
На Цябе спадзяюся, не адымай таго ад душы маёй.

⁹ Захавай мяне ад сетак, што зрабілі для мяне,
І ад пасткі робячых бяззаконне.

¹⁰ Зловяцца ў сетку сваю грэшныя,
А я пазбягаю іх пакуль жывы.