Псалтыр 69 псалом
Псалтыр
Пераклад Чарняўскага 2017 → Пераклад Чарняўскага 2012
Кіраўніку хору. Паводле «Лілея...» Давідаў.
Кіраўніку хору. Давідаў. На ўспамін.
Збаў мяне, Божа, бо падступіліся воды аж да горла майго.
Божа, на ўспамогу мне накіруйся; Госпадзе, паспяшайся, каб падтрымаць мяне.
Заграз я глыбока ў балоце і няма дна; увайшоў я ў глыбокія воды, і цячэнне цягне мяне.
Хай пасаромяцца і збянтэжацца тыя, што шукаюць душу маю. Хай павернуцца назад і пачырванеюць тыя, што жадаюць мне ліха.
Знямогся я, крычучы, ахрыплым сталася горла маё; стаміліся вочы мае, так чакаю я Бога майго.
Хай аслупянеюць ад сораму свайго тыя, што кажуць мне: «Добра, добра».
Больш чым валасоў на маёй галаве тых, што зненавідзелі мяне без прычыны. Падужэлі тыя, што чыняць мне пераслед, ворагі мае лжывыя; чаго не забіраў, аддаваў я тады.
Хай узрадуюцца і ўзвесяляцца ў Табе ўсе тыя, што шукаюць Цябе, і тыя, што любяць збаўленне Тваё, хай гавораць заўсёды: «Узвялічаны будзь, Божа».
Божа, Ты ведаеш неразумнасць маю, і злачынствы мае ад Цябе не ўтоены.
А я — няшчасны і бедны; Божа, паспяшы да мяне. Ты — Успаможца мой і Збаўца мой! Госпадзе, не марудзь!
Хай не пачырванеюць за мяне тыя, што чакаюць Цябе, Госпадзе, Госпадзе магуццяў. Хай не пасаромеюцца з-за мяне тыя, што шукаюць Цябе, Божа Ізраэля!
Бо з-за Цябе цярплю я ганьбу, сорам пакрывае твар мой;
чужым стаўся я для братоў маіх, і іншаземцам для сыноў маці маёй.
Бо руплівасць па доме Тваім згрызае мяне, і знявагі тых, што зневажалі Цябе, звалілася на мяне.
І аплакаў я ў посце душу маю, і залічылі яны гэта ганьбаю для мяне.
Валасяніца на мне замест адзення майго, і стаўся я пасмешышчам для іх.
Нагаворваюць супраць мяне тыя, што сядзяць пры браме, і спяваюць пра мяне тыя, што п’юць віно.
А я — малітву маю да Цябе, Госпадзе, у час спагаднасці Тваёй, Божа. У бязмежжы міласэрнасці Тваёй выслухай мяне, у праўдзе збаўлення Твайго.
Уратуй мяне з багны, каб я не заграз, уратуй, калі ласка, ад тых, што ненавідзяць мяне, і ад водных глыбіняў.
Хай не зацягне мяне цячэнне водаў, хай не праглыне мяне вір, хай не самкне нада мною бездань пашчы сваёй, хай не закрые нада мной студня ўваходу свайго.
Выслухай мяне, Госпадзе, бо спагадная міласэрнасць Твая; у бязмежжы міласэрнасці Тваёй зірні на мяне.
І не адварочвай аблічча Твайго ад слугі Твайго; бо перапалоханы я, хутчэй выслухай мяне.
Прыхініся да душы маёй, абарані яе, барані мяне ад непрыяцеляў маіх.
Ты ведаеш ганьбу маю, і сорам мой, і знявагу маю. Перад Табою — усе тыя, што прыгнятаюць мяне;
ганьба знявечыла сэрца маё, і я змогся. І чакаў я таго, хто б падзяліў са мною смутак — і не было нікога, і таго, хто б суцешыў, — і не знайшоў.
І далі яны для ежы мне жоўць, і ў смазе маёй напаілі мяне воцатам.
Хай стол іх станецца ім сілом, і адплатаю, і згаршэннем.
Хай вочы іх зацемрацца, каб не бачылі, і сцёгны іх абнясіль назаўсёды.
Вылій на іх гнеў Твой, і лютасць гневу Твайго хай ахопіць іх.
Хай будзе пустым іх панадворак, і ў палатках іх не будзе таго, хто б жыў у іх.
Бо таму, каго Ты пакараў, яны пераслед чынілі і павялічылі пакуту таго, каго Ты параніў.
Прыкладзі несправядлівасць да несправядлівасці іх, і хай яны не прыйдуць да справядлівасці Тваёй.
Хай выкрасляць іх з кнігі жывых і са справядлівымі хай не будуць упісаны.
А я — бедны і спакутаваны; збаўленне Тваё, Божа, падтрымлівае мяне.
Буду хваліць я імя Бога з песняю і ўзвялічваць буду Яго ў пахвале.
І спадабаецца Госпаду [гэта] больш за валоў, больш за цяля, у якога рогі і капыты падрастаюць.
Хай убачаць пакорлівыя і хай узвесяляцца; шукайце Бога і ажыве сэрца вашае,
бо выслухаў бедных Госпад і вязняў Сваіх не адцураўся.
Хай хваляць Яго нябёсы і зямля, моры і ўсе рэптыліі ў іх.
Бо Бог збавіць Сіён і пабудуе гарады Юды; і паселяцца яны там і будуць ім валодаць.
І нашчадкі слуг Яго атрымаюць яго ў спадчыну, і тыя, што любяць імя Яго, будуць жыць у ім.
