Ёва 33 разьдзел
Кніга Ёва
Пераклад Васіля Сёмухі → Пераклад Чарняўскага 2017
Дык вось, слухай, Ёў, словы мае і ўважай усім словам маім.
Дык пачуй, Ёве, прамову маю і выслухай усе словы мае.
Вось, я адкрываю вусны мае, язык мой гаворыць у гартані маёй.
Вось, я адкрыў вусны свае, і язык мой гаворыць у горле маім.
Словы мае ад шчырасьці майго сэрца, і вусны мае вымавяць веданьне чыстае.
Ад шчырага сэрца мае словы, і чыстую праўду кажуць вусны мае.
Дух Божы стварыў мяне, і дыханьне Ўсеўладнага дало мне жыцьцё.
Дух Божы ўчыніў мяне, і подых Усемагутнага ажывіў мяне.
Калі можаш, адказвай мне і стань перад мною.
Калі можаш, адкажы мне, падрыхтуйся перада мною і падыміся.
Вось я, па жаданьні тваім, замест Бога. Я створаны таксама з гразі;
Вось жа, я, як і ты, перад Богам, ды з таго ж самага бруду аддзелены і я.
таму страх перад мною ня можа зьбянтэжыць мяне, і рука мая ня будзе цяжкая табе.
Так што страх, які я наганяю, хай цябе не палохае, і цяжар мой хай не будзе цяжкі для цябе.
Ты гаварыў у вушы мае, і я чуў гук слоў:
Тое, што ты сказаў, было ў вушах маіх, і голас слоў тваіх пачуў я:
«чысты я, без пахібы, нявінны я і няма ўва мне няпраўды;
“Чысты я, без граху, беззаганны; і няма правіннасці ўва мне.
а Ён знайшоў абвінавачаньне супроць мяне і лічыць мяне Сваім супраціўцам;
Паколькі ж Ён знайшоў падставы для скаргаў на мяне, то лічыць мяне Сваім ворагам;
закаваў ногі мае ў калодкі, сочыць за ўсімі шляхамі маімі».
ногі мае закаваў у кайданы, пільнуе ўсе шляхі мае”.
Вось у гэтым няпраўда твая, адказваю табе, таму што Бог вышэйшы за чалавека.
Вось, ты ў гэтым несправядлівы, адкажу табе, бо Бог большы за чалавека.
Навошта табе спаборнічаць зь Ім? Ён не адказвае ні за якія дзеі Свае.
Чаму ты спрачаешся з Ім, што Ён не адказвае табе на ўсе словы?
Бог гаворыць адзін раз, і калі таго не заўважаць, другі раз:
Раз кажа Бог і другі раз таго самага не паўтарае.
у сьне, у начных відзежах, калі сон находзіць на людзей, у час дрымоты на ложку.
Праз сон і ў бачанні начным, калі агортвае сон людзей і калі дрэмлюць яны на ложку,
Тады ён адкрывае ў чалавека вуха і ўкладвае Сваё настаўленьне,
тады адкрывае Ён вушы людзям і ўкладвае Сваё настаўленне,
каб адвесьці чалавека ад якой-небудзь задумы і адвесьці ад яго пыху,
каб адвярнуць чалавека ад таго, што ён чыніць, і вызваліць яго ад пыхлівасці,
каб адвесьці душу ягоную ад прорвы і жыцьцё ягонае ад паразы мечам.
вырываючы душу яго ад магілы і жыццё яго, каб не трапіў ён у яму смерці.
Альбо ён наводзіцца на розум хваробаю на ложку сваім і моцным болем ва ўсіх касьцях сваіх, —
Дакарае яго таксама хваробаю на ложку яго, або болем безупынным у касцях яго.
і жыцьцё ягонае адварочваецца ад хлеба і душа ягоная ад смачнай яму ежы.
І хлеб агідным становіцца яму ў жыцці яго, і раней прыемная страва — душы яго.
Плоць на ім прападае, так што яе ня відаць, і паказваюцца косьці ягоныя, якіх ня было відаць.
Цела яго высыхае на вачах, і косці, якіх не было відаць, адкрываюцца.
І душа ягоная набліжаецца да магілы і жыцьцё ягонае — да сьмерці.
Набліжаецца Ён да знішчэння ў магіле, і жыццё яго — да сядзібы памерлых.
Калі ёсьць у яго анёл-настаўнік адзін з тысячы, каб паказаць чалавеку простую дарогу ягоную, —
Калі будзе ў яго анёл-звястун, адзін з тысячы, каб абвясціць чалавеку справядлівасць,
Бог умілажаліцца зь яго і скажа: вызвалі яго ад магілы; Я знайшоў умілажаленьне.
то злітуецца Бог над ім і скажа: “Вызвалі яго, каб не ішоў ён у магілу, бо Я знайшоў тое, у чым яму можа быць літасць”.
Тады цела ягонае зробіцца сьвяжэйшае, чым у маладосьці; ён вернецца ў дні маладосьці сваёй.
Расквітнее цела яго лепш, чым у маладосці, і вернецца ён у дні юнацтва свайго.
Будзе маліцца Богу, і Ён — літасьцівы да яго; з радасьцю глядзіць на твар ягоны і вяртае чалавеку праведнасьць ягоную.
Ён будзе маліць Бога, і Бог будзе спагадны да яго, і ўбачыць твар яго радасным, і верне чалавеку яго справядлівасць.
Ён будзе глядзець на людзей і казаць: «грашыў я і перакручваў праўду, і не адплачана мне;
Спявае ён людзям і кажа: “Я зграшыў і парушыў справядлівасць, але я не адплачана мне.
Ён вызваліў душу маю ад магілы, і жыцьцё маё бачыць сьвятло».
Ён вызваліў душу маю, каб не трапіла ў магілу, але, жывучы, бачыла святло”.
Вось, усё гэта робіць Бог два-тры разы з чалавекам,
Вось, усё гэта робіць Бог два і тры разы з чалавекам,
каб адвесьці душу ягоную ад магілы і прасьвятліць яго сьвятлом жывых.
каб адвесці душы іх ад магілы і прасвятліць святлом жывых.
Уважай, Ёве, слухай мяне, маўчы, і я буду гаварыць.
Зважай, Ёве, і паслухай мяне, і памаўчы, пакуль я гавару.
Калі маеш сказаць што, адказвай; кажы, бо Я хацеў бы твайго апраўданьня;
Калі ж маеш, што сказаць, адкажы мне, гавары, бо хачу, каб ты аказаўся справядлівым.
а калі не, дык слухай мяне, і я навучу цябе мудрасьці.
Калі ж не маеш, то паслухай мяне; маўчы, і я навучу цябе мудрасці».
