Ёва 25 разьдзел

Ёва 25 разьдзел

Кніга Ёва
Пераклад Васіля Сёмухі → Пераклад Антонія Бокуна

І адказваў Вілдад Саўхэянін і сказаў:

І адказаў Більдад з Шуаху, і сказаў:

улада і страх у Яго; Ён творыць сьвет на вышынях Сваіх!

«Панаваньне і страх у Яго. Ён творыць супакой на вышынях Сваіх!

Ці ёсьць лік войску Ягонаму? і над кім ня ўзыходзіць сьвятло Ягонае?

Ці ёсьць лік войску Ягонаму? І над кім не ўзыходзіць сьвятло Ягонае?

І як апраўдаецца чалавек прад Богам, і як быць чыстым народжанаму жанчынай?

Ці можа чалавек быць праведным перад Богам, і як можа быць чыстым народжаны ад жанчыны?

Вось нават месяц, і той нясьветлы, і зоркі нячыстыя прад вачыма Ягонымі.

Вось, нават месяц ня сьветлы, і зоркі нячыстыя ў вачах Ягоных.

Тым меней чалавек, які ёсьць чарвяк, і сын чалавечы, які ёсьць моль.

Тым больш чалавек — гнілізна, і сын чалавечы — чарвяк».

Біблія