Псалтыр 150 псалом — Пераклад Васіля Сёмухі → Пераклад Міхаіла Астапчыка

Псалтыр 150 псалом

Псалтыр
Пераклад Васіля Сёмухі → Пераклад Міхаіла Астапчыка

Алілуя. Хвалеце Бога ў сьвятыні Ягонай; хвалеце Яго на цьвердзі сілы Ягонай.

Хваліце Бога, што са святымі Сваімі, Хваліце Яго, што са святым войскам Сваім.

Хвалеце Яго паводле магутнасьці Ягонай, хвалеце Яго паводле мноства велічы Ягонай.

Хваліце Яго за моц Яго, Хваліце Яго за шматвялікасць Ягоную.

Хвалеце Яго гукам трубным, хвалеце Яго на псалтыры і арфе.

Хваліце Яго голасам трубным, Хваліце Яго на псалціры і гуслях.

Хвалеце Яго тымпанам і танцам, хвалеце Яго струнамі і арганам.

Хваліце Яго хорам галасоў с тымпанамі, Хваліце Яго на струнах і арганах.

Хвалеце Яго гучнымі кімваламі, хвалеце Яго кімваламі гучнагалосымі.

Хваліце Яго на кімвалах дабрагалосных, Хваліце Яго на кімвалах услаўлення.

Усё, што дыхае, хай славіць Госпада! Алілуя.

Усялякі подых няхай усхваляе Госпада.