Псалтыр 148 псалом
Псалтыр
Пераклад Васіля Сёмухі → Пераклад Міхаіла Астапчыка
Алілуя. Хвалеце Госпада зь нябёсаў, хвалеце Яго ў вышынях.
Алелюйя. Аггея і Захарыі. Хваліце Бога з неба, Хваліце Яго ў вышы́нях.
Хвалеце Яго, усе анёлы Ягоныя, хвалеце Яго, усе войскі Ягоныя.
Хваліце Яго, усе анёлы Ягоныя, Хваліце Яго, усе ваяўнічыя Яго.
Хвалеце Яго, сонца і месяц, хвалеце Яго, усе зоркі сьвету.
Хваліце Яго, сонца і месяц, Хваліце Яго зоркі і святло.
Хвалеце Яго, нябёсы нябёсаў і воды, якія вышэй за неба.
Хваліце Яго, нябёсы нябесные І воды над нябёсамі.
Хай хваляць імя Госпада, бо Ён сказаў — і сталася, Ён загадаў, і стварылася,
Няхай ўсхваляюць імя Божае, Бо Ён мовіць — і робяцца, нагадвае — і сатварюцца.
паставіў іх на векі вечныя; даў наказ, які не праміне.
Усталяваў іх на векі і векі вечныя, Паклаў загад — і не пройдзе ён.
Хвалеце Госпада зь зямлі, вялікія рыбы і ўсе прадоньні,
Хваліце ад зямлі Госпада, Рыбы вялізныя і бездані,
вагонь і град, сьнег і туман, буйны вецер, які напаўняе слова Ягонае,
Полымя, град, снег, лёд і бура, Што выконваюць волю Ягоную.
горы і ўсе пагоркі, дрэвы плодныя і ўсе кедры,
Горы з прыгоркамі, Кедры і дрэвы пладаносныя,
зьвяры і ўсякае быдла, паўзуны і птушкі крылатыя,
Звяры і скаты ўсе, Га́ды і птушкі пярнатыя.
цары зямныя і ўсе народы, князі і ўсе судзьдзі зямныя,
Цары зямныя і людзі ўсе, Паны і ўсе зямныя начальнікі,
хлопцы і дзяўчаты, старцы і падлеткі
Маладыя з маладзіцамі, Юнакі і старэйшыны.
хай хваляць імя Госпада; бо толькі Ягонае імя высока ўзьнесена, слава Ягоная на зямлі і на нябёсах.
Да ўславяць імя Божае, узвышняе імя Адзінага, Слава Яго на зямлі і на небе.
Ён падняў рог народу Свайго, славу ўсіх сьвятых Сваіх, сыноў Ізраілевых, народу, блізкага Яму. Алілуя.
І ўздыме моц людзей сваіх, Песню ўсіх святых Яго, сыноў Ізраіля, людзей, што ідуць да Яго.
