Псальмы 27 Псальм 27 (26)

² Калі супраць мяне выступаюць злачынцы, каб пажорці цела маё, —
гэта яны — ворагі і праціўнікі мае — самі хістаюцца і падаюць.

³ Калі азброіцца супраць мяне войска, сэрца маё не спужаецца:
Калі б вайна паўстала супраць мяне, я буду поўны надзеі.

⁴ Аднаго я прашу ў Госпада і гэтага толькі шукаю,
каб пабываць у доме Гасподнім усе дні жыцця майго,
каб карыстаць з салодкасьці Гасподняй
і аглядаць сьвятыню ягоную.

⁵ Бо Ён мне дае прытулак у сваім шатры ў дзень няшчасьця,
Ён укрывае мяне ў палатцы сваей і ўзносіць мяне на скалу.

⁶ І цяпер узносіцца галава мая над ворагамі маімі,
якія мяне акружаюць.
І буду прыносіць ахвяры ў храме — жэртвы радасьці.
Я засьпяваю і зайграю псальмы перад Госпадам.

⁷ Пачуй, Госпадзе, мой голас, я гукаю: зжалься і выслухай мяне!(б)

⁸ Аб табе гамоніць сэрца маё: “Шукайце аблічча майго!”
Я шукаю аблічча твайго, Госпадзе.

⁹ Не хавай твайго аблічча перада мною,
не адганяй слугі свайго ў гневе!
Не адкідай мяне і не пакідай мяне, Божа збаўленьня майго!

¹⁰ Калі б пакінулі мяне бацька і маці мая,
Госпад мяне прыйме.

¹¹ Навучы мяне, Госпадзе, дарогі тваей
і вядзі мяне простай сьцежкай дзеля ворагаў маіх!

¹² Ня выдай мяне на волю праціўнікаў маіх,
бо фальшывыя сьведкі паўсталі супраць мяне,
што дыхаюць ненавісьцяй.

¹³ Я веру, што ўбачу дабрату Госпада
ў краіне жывых.

¹⁴ Спадзявайся на Госпада!
Будзь адважны і ўмацуй сэрца сваё,
надзейся на Госпада!