1 Чалавек той шчасьлівы,
што ня ходзіць на раду нягоднікаў,
ані шляху блуднікаў ня трымаецца
і між насьмешнікаў не засядае.
2 Але ў законе Госпада прыемнасьць знаходзіць
і аб Законе ягоным разважае днём і ноччу.
3 І ён ёсьць, як дрэва
пасаджанае ля водных патокаў,
што дае свой плод у часе,
а лісьцё яго не вяне ніколі,
і што ён робіць, яму ўдаецца.
4 Ня так бязбожныя, ня гэтак:
яны падобны да мякіны,
што вецер па полі разносіць.
5 Так ня ўстояць на судзе бязбожныя,
ані грэшнікі ў грамадзе справядлівых.
6 Бо Госпад ведае шлях справядлівых,
а дарога бязбожных загіне.

Каментары ці зноскі:

а) Гэты псальм паўстаў пазьней, але даецца на пачатку, як уступ да Псалтыра.


Знайшлі памылку ў тэксце? Вылучыце яе і націсніце: Ctrl + Enter

Кніга псальмаў, псальм 1

Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.